Aas Aasha Aastha

khwaab hoon tumhari aankhon ka..

jab palkon ko jhukate ho tum
tab kahin gahan andhakar se
nikal kar, tumhein choo jaati hoon main
fir bhar deti hoon sapnon mein
rangon ke anek dhaage,
jinhein bun kar tum apni kalpanayein banate ho

main anant hoon, anashwar,
tumhara srujan hone se pehle bhi main wahin thi
tumhare us nanhe se adrishya hriday mein dhadakti hui...
tumhari vishwa ko jaanane ki jigyasa mein liptee hui
tumhare har mantavya ko samajhti hui

main nayi kritiyon se parichay karati thi tumhara
phoolon ki pankhuriyon ki narmee
aur suraj ki taptee garmi ka nazaara
main tumahri soch mein hoon
nishpaksh se santosh mein hoon
main tumhari kalpana ke har naye abhishek mein hoon

mujhko dhoondho, mujhko khojo
main jeevan strot hoon tumhara
mujhpar hi to hai aadharit
har ek parishram tumhara
taap jitna hai hriday mein
utna mujhko chahte ho
aasha hoon main, astha main,
main bharosa hoon tumhara

Comments

Post a Comment

Popular posts from this blog

LONG LIVE THE GRAFFITI

Even when I am gone away My shadow lingers to this day Through this scratching on the wall I will stay a superstar In this alley, on this road Everyone will know my name Coz’ it’s engraved on the wall I am still a superstar Memories, the haunting ones Are written down on the classroom door It has my names and those of my friends Our nicks etched in the panel below Those friends are spread across seven seas Yet there was a time when this was our world It’s to remember that time bygone And those friends that I could never mourn Coz’ my soul breathes among these walls Out here, I am still a superstar On the crossroad, by the lamp I met that girl who lived my dream On the bylane by the sea She blew me my very first kiss We wrote our names on the rundown tree And a heart and an arrow, in between I forgot her name but the graffiti reminds Coz’ its still there, a little faded but alive Memories live through these uneven prints And the smudged ink from a broken pen The nicks, the names, the he
Read more

Alvida

  kehne ke bahut se zariye hain magar, kehna ho alvida tumhein to kaise kahein honth khulte hain magar kaanp kar rah jaate hain, lafzon ko nikalne ki ijaazat kaise dein, dehleez par tum kab talak rahoge khade, paanv bahar jo nikalo to hum koi baat kahein, na tum mein hai itna jazbaa ki gam ko jazb karo, na main hi hoon khuda ki khud ko rok sakoon, hawa ka shor hai bas beech apne, par main dhadkan ki har awaaz kaise gart karoon, padhke saanson ko tumhari hairat mein hain meri saansein, kahin dil se nikal jaane ki na jurrat ye karein, kehne ke bahut se zariye hain magar, kehna ho alvida tumhein to kaise kahein honth khulte hain magar kaanp kar rah jaate hain, lafzon ko nikalne ki ijaazat kaise dein, hain kai shokh wadiyon ke raaste aage, tum mujhe bhool bhi sakte ho wahan par jaakar fir kyon kadam rok kar rah jaate ho, mujhse darte ho ya khud se, ya rahte ho hakeekat se dar kar yahin dhoondho, tumhari ungaliyon ke hain nishaan yahin, kisi daali par kurede honge hum donon ke naam inse poo
Read more